Ռուսաստանի անվտանգության դաշնային ծառայությունը ձերբակալել է Ստավրոպոլի առևտրի կենտրոնում պայթյուն նախապատրաստած ահաբեկիչների կողմնակցին:
Գերատեսչությունից հայտնել են, որ Կենտրոնական Ասիայի երկրներից մեկի բնակիչը հավատարմության երդում է տվել ահաբեկչական կառույցի ղեկավարին և ի հաստատումն երդման ծրագրել է ահաբեկչություն իրականացնել: Նա տեղանքի հետախուզում է իրականացրել և տեղ է ընտրել ինքնաշեն պայթուցիկ սարքի տեղադրման համար, ինչպես նաև ձեռք է բերել դրա հավաքման համար անհրաժեշտ մասերը։
Ահաբեկչությունից հետո կասկածյալը պատրաստվում էր մեկնել Սիրիա և անդամակցել ահաբեկչական կազմակերպությանը։
