Սաուդյան Արաբիան փոփոխություններ է մտցրել Հորմուզի նեղուցի վերաբերյալ Իրանի և Օմանի առաջարկներում
Էր Ռիադն իր ճշգրտումներն է մտցրել Թեհրանի և Մասկատի առաջարկներում՝ կապված Հորմուզի նեղուցի շուրջ նրանց համաձայնության հետ՝ հայտնել է Axios-ը:
Ըստ պարբերականի՝ Սաուդյան Արաբիան ուղղումներ է կատարել, քանի որ մտավախություն ունի, որ ներկայացված ձևակերպումները կարող են փաստացի նոր ստատուս քվո հաստատել նեղուցում, որն անընդունելի է և՛ իր, և՛ Պարսից ծոցի մյուս պետությունների համար:
Բացի Սաուդյան Արաբիայից և Օմանից՝ Պարսից ծոցի արաբական պետությունների համագործակցության խորհրդի անդամ են Արաբական Միացյալ Էմիրությունները (ԱՄԷ), Քուվեյթը, Կատարը և Բահրեյնը:
Միևնույն ժամանակ, Օմանի արտաքին գործերի նախարար Բադր ալ Բուսաիդին հայտարարել է, որ հետաձգվել է երկուշաբթի նախատեսված Ծոցի երկրների ներկայացուցիչների հանդիպումը, որի ժամանակ պետք է հայտարարվեր Իրանի և Օմանի միջև Հորմուզի նեղուցում նավագնացության վերաբերյալ պայմանավորվածությունների մասին։
Իրանի արտաքին գործերի նախարար Աբբաս Արաղչին հայտարարել է, որ Թեհրանի և Մասկատի միջև կնքված համաձայնագիրը «ոչ մի կերպ» չի նշանակում նեղուցի լիակատար բացում։ Ըստ Իրանի իշխանությունների՝ նեղուցն ամբողջությամբ կապաշրջափակեն միայն ԱՄՆ-ի հետ հակամարտության ավարտից հետո:
