Գազատար է վնասվել. Կենտրոն վարչական շրջանի մի շարք հասցեներում գազանջատում է

Այլ կազմակերպության կողմից իրականացվող հողային աշխատանքների ժամանակ վնասվել է միջին ճնշման ստորգետնյա գազատար։ Դրա հետևանքով սեպտեմբերի 1-ին՝ ժամը 03:05-ից, դադարեցվել է Երևան քաղաքի Կենտրոն վարչական շրջանի Դեմիրճյան, Անտառային, Սարյան, Սարմենի փողոցների, Բաղրամյան պողոտայի 1-28 հասցեների, Զառուբյան, Լեմկինի, Գ.Հարությունյան, Լեռ Կամսարի փողոցների գազասպառողների գազամատակարարումը։ Այս մասին տեղեկացնում են «Գազպրոմ Արմենիա»-ից։