«Խոսրովի անտառ» պետական արգելոցի Ֆեյսբուքի էջում տեսանյութ և լուսանկարներ են հրապարակվել բեզոարյան այծերի մասնակցությամբ:
«Բեզոարյան այծերը բնության արժեքավոր ներկայացուցիչներից են։ Դրանք ընդգրկված են Հայաստանի Կարմիր գրքում և ԲՊՄՄ Կարմիր ցուցակում, ուստի դրանց պահպանությունը կարևոր նշանակություն ունի էկոհամակարգերի հավասարակշռության պահպանման համար»,- գրված է հրապարակված լուսանկարներին և տեսանյութին կից:
