Ուկրաինական դրոնները շարունակում են հարձակումները Ռուսաստանի նավթաքիմիական օբյեկտների վրա
Բաշկորտոստանում գտնվող «Գազպրոմ նեֆտեխիմ Սալավատի» նավթաքիմիական համալիրը դադարեցրել է աշխատանքը ուկրաինական անօդաչու թռչող սարքերի հարձակումից հետո: Այս մասին հաղորդում է Reuters-ը՝ հղում անելով երկու աղբյուրի:
Նրանց խոսքով՝ վնասվել են ինչպես առաջնային վերամշակման, այնպես էլ որոշ երկրորդային վերամշակման կայանքներ և այլ սարքավորումներ։ Աղբյուրների գնահատմամբ՝ վերանորոգումը կարող է տևել մի քանի շաբաթ կամ նույնիսկ ամիսներ։
