Առողջապահության նախարար Արսեն Թորոսյանը, պատասխանելով լրագրողների հարցերին՝ նշեց, որ պարտադիր առողջության ապահովագրության նախագծի ընդունման դեպքում կբարձրացնել բժշկական ծառայության որակը: Նախարարի խոսքով մարդկանց համար բժշկական ծառայությունների բեռը ծանր չի լինի, թեև պարտադիր պարբերաբար վճարելու են որոշակի գումար:
Նախարարի խոսքով հաշվարկվել է, թե 3 միլիոն մարդու համար որքան գումար է անհրաժեշտ , հանվել է այն գումարը, որն արդեն պետությունը տրամադրում է և, որպես աղբյուր մնացած միջոցների ներգրավման, հաշվարկվել է աշխատող քաղաքացիների համախառն եկամուտից տոկոս: Նախարարը նշեցմ որ պետությունը կարող է որոշել, որ մեզ պետք չէ այդ համակարգը, բայց ինչպես է պետությունը հոգալու այդ քաղաքացիների առողջական ծախսերը:
«Մեր խնդիրն է , որ այն քաղաքացիները, որոնք ապրում և աշխատում են Հայաստանում ունենան ֆինանսական պաշտպանվածություն: Մենք առաջարկում ենք փողերի հավաքման և ծախսման նոր համակարգ»-ասաց Թորոսյանը:
