Բունդեսթագը մերժել է Ուկրաինային անհապաղ աջակցություն տրամադրելու նախագիծը
Գերմանիայի խորհրդարանը մերժել է «Միություն 90/Կանաչներ» կուսակցության նախաձեռնությունը, որը կոչ էր անում անհապաղ Ուկրաինային տրամադրել Taurus թևավոր հրթիռներ, ավելացնել Patriot PAC-2 հրթիռների արտադրությունը Գերմանիայում և ուժեղացնել ռազմական և հումանիտար օգնությունը Ուկրաինային:
«Ավարտել Ռուսաստանի պատերազմն Ուկրաինայի դեմ. արդեն հիմա լրացուցիչ ուժեղացնել Ուկրաինան ռազմական և հումանիտար ոլորտներում» նախագծին կողմ է քվեարկել 79 պատգամավոր, դեմ է արտահայտվել 510-ը, մեկը ձեռնպահ է մնացել:
Քրիստոնեադեմոկրատական միություն/Քրիստոնեասոցիալական միություն և Գերմանիայի սոցիալ-դեմոկրատական իշխող կուսակցությունները հրաժարվել են աջակցել առաջարկին, սակայն ընդգծել են իրենց ընդհանուր աջակցությունը Ուկրաինային: Այդ կուսակցությունների ներկայացուցիչները տարբեր կարծիքներ են հայտնել օգնության ծավալների վերաբերյալ, սակայն հայտարարել են այն շարունակելու պարտավորության մասին:
