1991-ին Հորդանանի հարավում հայտնաբերված արմավենուց պատրաստված ափաչափ իրը հնարավոր է աշխարհի ամենահին շախմատային քարն է,- եզրակացնում են հնագետները: Արտեֆակտը հայտնաբերվել է վաղ առևտրային բնակավայրի պեղումների ժամանակ, հայտնում է Science News-ը:
Քանդակն ուղղանկյուն քարի է նման, որի վերևում եղջյուրի երկու նախշեր են նշմարվում: Սպեկտրալ հետազոտության արդյունքում պարզվել է, որ այն ստեղծվել է մեր դարաշրջանի 680-749 թվականներին: Գիտնականները պարզել են, որ պարզ խաղային տախտակները հայտնվել են Եվրասիայում մոտ չորս հազար տարի առաջ:
Ըստ պահպանված գրավոր ապացույցների՝ շախմատը առաջինը սկսել են խաղալ Հնդկաստանում՝ 1400 տարի առաջ: Տեղի վաճառականներն ու դիվանագետները, հավանաբար, այս խաղը բերել են արևմտյան երկրներից:
Հնագետները նկատել են, որ «նավակը» նման է շախմատի մյուս պարզունակ մասերին, որոնք ստեղծվել են մի քանի դար անց:
«Եթե մեր ենթադրությունները ճիշտ են, ապա սա աբստրակտ դիզայնի ամենավաղ հայտնի օրինակն է, ինչպես նաև շախմատային ֆիգուրի ամենավաղ օրինակը», - նշել են ուսումնասիրության հեղինակները:
