Մայիսի 9-ին Մեծ Հայրենականի 70-րդ, ՊԲ-ի օրվա եւ Շուշիի ազատագրման 23-րդ տարեդարձի կապակցությամբ Արցախի Նախագահի նստավայրում հանդիսավոր ընդունելություն էր կազմակերպվել: Իր շնորհավորական ուղերձում առաջին խոսքը Բակո Սահակյանն ուղղել է Երկրորդ աշխարհամարտի վետերաններին:
Մեծ հայրենականին 45 000 արցախցի է մասնակցել, նրանցից միայն 96-ն են այսօր կենդանի: Բոլորին Բակո Սահակյանը արժանացրել է «Երախտագիտություն» մեդալի: Վետերաններից մի քանիսն անձամբ եկել էին նախագահի ձեռքից ստանալու իրենց մեդալը:
Արցախի Հանրապետությանը մատուցած բացառիկ ծառայությունների համար ԼՂՀ ԱԺ պաշտպանության, անվտանգության եւ օրինապահության հարցերի մշտական հանձնաժողովի նախագահ Ժաննա Գալստյանին էլ շնորհվեց «Արցախի հերոս» բարձրագույն կոչումը: Նախագահ Բակո Սահակյանը անձամբ հանձնեց «Ոսկե արծիվ» շքանշանը:
