Քարոզարշավի ընթացքը գնահատում եմ շատ լավ, իմ էմոցիաները արթնացրել են նաև ժողովրդի էմոցիաները․ Փաշինյան
Քարոզարշավի ընթացքը գնահատում եմ շատ լավ և կարծում եմ, որ իմ էմոցիաներն արթնացրել են նաև ժողովրդի էմոցիաները։ Այս մասին լրագրողների հետ ճեպազրույցում ասաց ՀՀ վարչապետ Նիկոլ Փաշինյանը՝ նկատելով, որ այն, ինչ տեսնում ենք, իր ընկալմամբ, նման է 2018-ի թավշյա հեղափոխության գործընթացներին:
«Եթե 2018-ի արդյունքում մենք հեղափոխությունն անվանեցինք ոչ բռնի, թավշյա հեղափոխություն, այս անգամ պրոցեսները ես պայմանական անվանում եմ երեխաների հեղափոխություն, որովհետև երեխաներն են շատ ակտիվ, և իրականում իրենք են էս քաղաքական պրոցեսի հիմնական էներգիայի աղբյուրը, ինչը շատ խորհրդանշական է և պարտավորեցնող։
Ես պատկերացնում եմ Հայաստանը խաղաղ, ինքնիշխան, խաղաղության համաձայնագիրը Ադրբեջանի հետ ստորագրված, վավերացված, սահմանազատումն ավարտված, ճանապարհները բացված և 15 տարի հետո ՀՆԱ-ն իրական արժեքով առնվազն կրկնապատկված, այսինքն՝ ժողովրդավարական, ազատ, անկախ, բարեկեցիկ պետություն, որը, պայմանական ասած, խաղաղության խաչմերուկն է»,- ասել է վարչապետը։
