Կիևի վրա հարձակվելու՝ Մոսկվայի սպառնալիքները անխոհեմ էսկալացիոն մարտավարության մաս են. Եվրահանձնաժողով
ԵՄ-ն պատասխանել է Կիևը լքելու Մոսկվայի կոչերին: Եվրահանձնաժողովի խոսնակ Անուար Էլ-Անունին նշել է՝ Կիևի վրա հարձակվելու Ռուսաստանի հրապարակային սպառնալիքները նրա անխոհեմ էսկալացիոն մարտավարության մի մասն են։
«Ռուսաստանը հերթական անգամ աղաղակող կերպով փորձում է մեղքը բարդել Ուկրաինայի վրա սեփական ագրեսիվ պատերազմի համար։ Ինչ վերաբերում է մեզ՝ ԵՄ-ին, մենք չենք փոխի մեր դիրքորոշումը կամ ներկայությունը Կիևում»,- ասել է պաշտոնյան:
Ըստ Եվրահանձնաժողովի խոսնակի՝ վերջին տարիներին Ռուսաստանն արդեն վնաս է հասցրել Կիևում մի քանի դիվանագիտական առաքելությունների, այդ թվում՝ ԵՄ պատվիրակությանը։
Պաշտոնյան նաև ընդգծել է, որ չնայած Ուկրաինայի կողմից երկարատև հրադադարի և խաղաղության կոչերին՝ Ռուսաստանը երբեք լուրջ մտադրություն չի ցուցաբերել դադարեցնելու պատերազմը:
