ԱՄՆ-ն հայտարարել է Հորմուզի նեղուցի լիակատար շրջափակման մասին

Միացյալ Նահանգներն ամբողջությամբ շրջափակել Է իրանական նավահանգիստները, արգելափակված է միջազգային ծովային առևտուրը, որն ապահովում է Իսլամական Հանրապետության տնտեսության մոտ 90%-ը: Այս մասին հայտարարել է ԱՄՆ կենտրոնական հրամանատարությունը (CENTCOM)։

CENTCOM-ը հայտնել է, որ առաջին 24 ժամվա ընթացքում ոչ մի նավ չի կարողացել խախտել ԱՄՆ շրջափակումը։ Նշել է, որ վեց առևտրային նավերի հրահանգվել է վերադառնալ Օմանի ծոցի իրանական նավահանգիստ։

CNBC-ն, սակայն, հղում անելով Windward ծովային հետախուզական ընկերության տվյալներին, նշում է, որ ԱՄՆ շրջափակման առաջին օրը առնվազն երկու նավ է անցել Հորմուզի նեղուցով։ Վերլուծաբանները նշել են, որ դրանցից մեկը՝ Rich Starry լցանավը, պատկանում է չինական ընկերությանը և ԱՄՆ պատժամիջոցների տակ է։