«Նովայա գազետա»-ի խմբագրությունում ավարտվել է 13-ժամյա խուզարկությունը
Ռուսաստանի Հատուկ ծառայության աշխատակիցները 13-ժամյա քննչական գործողություն են իրականացրել Մոսկվայում՝ «Նովայա գազետա»-ի խմբագրությունում։ Խուզարկությունից հետո գրասենյակից առգրավվել են սարքավորումներ և փաստաթղթեր, հայտնել են թերթի լրագրողները։ Հարցաքննվել են գրասենյակում ներկա խմբագրության աշխատակիցները, նրանցից պահանջել են ստորագրել գաղտնիության մասին համաձայնագրեր, թերթի փաստաբաններին թույլ չեն տվել մտնել տարածք:
Ոստիկանությունը երկու օրով կալանավորել է թերթի սյունակագիր Օլեգ Ռոլդուգինին՝ Ռուսաստանի քրեական օրենսգրքի՝ անձնական տվյալների անօրինական օգտագործման և փոխանցման մասին հոդվածով։
Օլեգ Ռոլդուգինի հետաքննությունները վերաբերում էին, մասնավորապես, Max պետական մեսենջերի հետ կապված ընկերությունների պաշտոնական հիմնադիրներին, նախագահի աշխատակազմում կոռուպցիային, Ռուսաստանի Դաշնության նախկին նախագահ և վարչապետ Դմիտրի Մեդվեդևի, ինչպես նաև Չեչնիայի ղեկավար Ռամզան Կադիրովի մերձավորների սեփականությանը:
