Ուկրաինան հայտնել է Սումիի շրջանին հարվածների մասին, նշվում է, որ դրոններից մեկը հարվածել է բնակելի շենքի 16-րդ հարկին: Թիրախավորվել են նաև մասնավոր բնակելի տներ: Նախնական տվյալով՝ վնասվածքներ է ստացել 7 մարդ, այդ թվում՝ մեկ երեխա՝ ասված է Ուկրաինայի արտակարգ իրավիճակների պետական ծառայության հաղորդագրության մեջ:
Ուկրաինայի նախագահ Վոլոդիմիր Զելենսկին էլ ավելի վաղ հայտարարել էր, որ իրավիճակն Ուկրաինայի համար ռազմաճակատի գծում այժմ լավագույնն է վերջին 10 ամվա ընթացքում: Նա հավելել է, որ իրավիճակը շարունակում է բարդ մնալ:
