ԱՄՆ ֆինանսների նախարարության Արտասահմանյան ակտիվների վերահսկողության գրասենյակը (OFAC) երկարաձգել է Ղազախստանով Չինաստան ռուսական նավթի տարանցման լիցենզիան մինչև 2027 թվականի մարտի 19-ը, «Ինտերֆաքս»-ին հայտնել են Ղազախստանի էներգետիկայի նախարարությունից։
Ռուսական նավթի տարանցումը Չինաստան ներկայումս շարունակվում է սահմանված պատժամիջոցների բացառությունների հիման վրա, նշել է նախարարությունը։
«ՂազՏրանսՕյլ» (KTO) ազգային ընկերության տրանսպորտային վարչության տնօրեն Իսլամդաութ Ակուբաևը հայտնել է, որ ավելի վաղ Ղազախստանը OFAC-ից նամակ էր ստացել մինչև 2026 թվականի ապրիլի 29-ը Ղազախստանի տարածքով Չինաստան ռուսական նավթի տարանցման գործողությունների իրականացման մասին։
Ղազախստանը տարեկան 10 միլիոն տոննա ռուսական նավթ է տեղափոխում Չինաստան՝ համաձայն մինչև 2034 թվականը կնքված միջկառավարական համաձայնագրի։ Աստանան և Մոսկվան ներկայումս բանակցություններ են վարում տարանցումը տարեկան 12,5 միլիոն տոննա նավթի հասցնելու վերաբերյալ։
