Մերձավոր Արևելքի պետությունների միջև տարաձայնություններից կշահի միայն Իսրայելը. Փեզեշքիան
Մասուդ Փեզեշքիանը հայտարարել է, որ Թեհրանը չի ցանկանում կռվել հարևանների հետ:
«Դիմում եմ մուսուլմանական երկրներին և մեր սիրելի հարևաններին: Դուք մեր եղբայրներն եք, և մենք ձեզ հետ կոնֆլիկտի չենք ձգտում»,- նշել է Իրանի նախագահը:
Նրա խոսքով՝ Մերձավոր Արևելքի պետությունների միջև տարաձայնություններից կշահի միայն Իսրայելը:
Իրանի արտգործնախարարն էլ մուսուլմանական պետությունների ղեկավարներին ուղղված ուղերձում հարց է բարձրացրել՝ արդյոք նրանք «մտադի՞ր են շարունակել լռել Իրանի դեմ ագրեսիայի պայմաններում, թե՞ ամուր դիրքորոշում կորդեգրեն»՝ ի պաշտպանություն մուսուլմանների միասնության: Արաղչին նաև խստորեն դատապարտել է ԱՄՆ-ի և Իսրայելի գործողությունները, մտահոգություն հայտնել այն կապակցությամբ, որ հարձակումներից շատերն իրականացվել են հարևան մուսուլմանական երկրների տարածքից:
