Ուկրաինայի դեմ Ռուսաստանի պատերազմի ավարտի վերաբերյալ ուկրաինական և ամերիկյան պատվիրակությունների միջև բանակցությունների հաջորդ փուլը տեղի կունենա մարտի 21-ին՝ հայտարարել է Վոլոդիմիր Զելենսկին: Նրա խոսքով՝ Կիևի բանակցային խումբն արդեն մեկնել է ԱՄՆ:
«Ուկրաինական թիմը՝ բանակցային խմբի քաղաքական մասը, արդեն ճանապարհին է: Ամերիկայի Միացյալ Նահանգներում մենք հանդիպում ենք ակնկալում շաբաթ»,- ասել է Ուկրաինայի նախագահը և նշել, որ բանակցությունները մանրամասն քննարկել է պատվիրակության անդամների՝ ազգային անվտանգության և պաշտպանության խորհրդի քարտուղար Ռուստեմ Ումերովի, նախագահի աշխատակազմի ղեկավար Կիրիլո Բուդանովի և խորհրդարանում «Ժողովրդի ծառա» խմբակցության նախագահ Դավիթ Արախամիայի հետ:
Ավելի վաղ Գերմանիայի կանցլեր Ֆրիդրիխ Մերցը վերահաստատել էր իր կարծիքը, որ եվրոպական պետությունները պետք է ներկա լինեն Ուկրաինայում պատերազմի ավարտի շուրջ բանակցություններին:
