Իրանում Իսլամական հեղափոխության պահապանների կորպուսը (ԻՀՊԿ) հաստատել է «Բասիջ» կամավորական ռազմականացված միավորման հրամանատար Ղոլամռեզա Սոլեյմանիի մահը: Լուրը հրապարակել է ԻՀՊԿ-ին կից FARS լրատվական գործակալությունը: Միևնույն ժամանակ, ԻՀՊԿ-ն խոստացել է վրեժ լուծել իր հրամանատարի մահվան համար։
«Բասիջը» ենթարկվում է Իսլամական հեղափոխության պահապանների կորպուսին և իրականացնում է գաղափարական վերահսկողությունն ու ներքին անվտանգության գործառույթները։ Ըստ արևմտյան ԶԼՄ-ների՝ «Բասիջն» է զբաղվում Իրանում հակակառավարական ցույցերի ճնշմամբ: Եվրամիությունը ԻՀՊԿ-ն ճանաչել է որպես ահաբեկչական կազմակերպություն։
