Աբու Դաբիում և Դուբայում պայթյուններ են որոտացել. կա զոհ

Աբու Դաբիում և Դուբայում պայթյուններ են որոտացել: Արաբական Միացյալ Էմիրությունների պաշտպանության նախարարությունից հայտնել են, որ Աբու Դաբիում իրանական հրթիռակոծության հետևանքով մեկ մարդ է զոհվել: ԱՄԷ-ն հայտարարում է, որ իրեն իրավունք է վերապահում պատասխանել իրանական հրթիռային հարձակմանը:

Reuters գործակալությունն էլ գրել է, որ ԱՄՆ-ի և Իսրայելի հարվածների հետևանքով սպանվել են ԻՀՊԿ մի քանի բարձրաստիճան հրամանատարներ և քաղաքական գործիչներ: Նշվում է, որ ԱՄՆ-ի և Իսրայելի հարվածների թիրախներն են եղել Իրանի գերագույն առաջնորդն ու նախագահը: Չհաստատված տվյալներով՝ մահափորձ է կատարվել Իրանի գերագույն առաջնորդի խորհրդական Ալի Շամխանիի դեմ: Իրանական կողմը նաև հերքել է Իրանի բանակի գլխավոր հրամանատար Ամիր Խաթամիի մահվան մասին լուրերը: