Այսօր ՀՀ-ԱՄՆ հարաբերությունների մակարդակը բարձր է, քան երբևէ. վարչապետ

ՀՀ վարչապետ Նիկոլ Փաշինյանը, այսօր կայացած մամուլի ասուլիսի ժամանակ պատասխանելով լրագրողի հարցին, անդրադարձել է հայ-ամերիկյան հարաբերությունների ներկայիս մակարդակին և ԱՄՆ փոխնախագահ Ջեյ Դի Վենսի հետ ունեցած պայմանավորվածություններին։

Վարչապետը շեշտել է, որ երկկողմ հարաբերություններն այսօր գտնվում են աննախադեպ բարձր մակարդակի վրա՝ փաստացի արձանագրելով ռազմավարական գործընկերության նոր փուլ։

«Այսօր մեր հարաբերությունների մակարդակը բարձր է, քան երբևէ, բայց շատ կարևոր է, որ փոխնախագահի հետ մենք ընդգծեցինք հետագա զարգացման մեծ պոտենցիալը»,- նշել է Փաշինյանը։

Վարչապետը հատուկ շնորհակալություն է հայտնել ԱՄՆ նախագահ Դոնալդ Թրամփին և, մասնավորապես, փոխնախագահ Ջեյ Դի Վենսին՝ անձնական ներդրման համար։