Իրանում հակակառավարական ցույցերի ընթացքում զոհվել է 3117 մարդ
Իրանում ներքին ինտերնետային կապը հիմնականում վերականգնվել է, չնայած իրանցիները դեռ հասանելիություն չունեն համաշխարհային ցանցին. անձնական հեռախոսներում և տներում ինտերնետը դեռ հասանելի չէ:
Միևնույն ժամանակ Իրանի պետական հեռուստաընկերությունը հայտնել է, որ երկրում տեղի ունեցած հակակառավարական ցույցերի ընթացքում զոհվել է 3117 մարդ:
Իրանում ազգային արժույթի կտրուկ արժեզրկման և գնաճի պատճառով ցույցերը սկսվել էին դեկտեմբերի վերջին, սակայն հունվարի 8-ին և 9-ին դրանք վերածվել էին զանգվածային անկարգությունների, ինչի համար Թեհրանը մեղադրում է Իսրայելին և ԱՄՆ-ին:
