Միացյալ Նահանգները գնահատում է Թուրքիայի հետ ամուր գործընկերությունը. Թոմ Բարաք
Թուրքիայի արտաքին գործերի նախարար Հաքան Ֆիդանն ընդունել է Անկարայում ԱՄՆ դեսպան և Սիրիայի հարցով հատուկ ներկայացուցիչ Թոմ Բարաքին: Թուրքիայի դիվանագիտական գերատեսչությունն այլ տեղեկություններ չի հաղորդել:
Բարաքը քննարկումը որակել է արդյունավետ և անկեղծ: X-ի իր էջում նա նշել է, որ Միացյալ Նահանգները գնահատում է Թուրքիայի հետ ամուր գործընկերությունը և շարունակում է հավատարիմ մնալ տարածաշրջանային կայունության ամրապնդման և ընդհանուր խնդիրների լուծման ուղղությամբ համատեղ աշխատանքին, ներառյալ՝ Սիրիայում ընթացիկ ջանքերը:
