Իսրայելը փորձում է օգտագործել Իրանում բողոքի ցույցերը. Ֆիդան
Թուրքիայի արտգործնախարար Հաքան Ֆիդանը հայտարարել է, որ Իրանը պետք է տարածաշրջանի երկրների հետ իրական հաշտեցում և համագործակցություն հաստատի:
Նրա խոսքով՝ երկրում բողոքի ցույցերը, այդ թվում՝ դրսից, շահարկվում են Իրանի հակառակորդների կողմից։
«Այն պայմաններում, երբ պատերազմ չկա, բայց կան այլ իրական խնդիրներ, մենք տեսնում ենք, որ Իսրայելը փորձում է դա օգտագործել: Դա, իհարկե, շատ ուժեղ ազդանշան է ռեժիմի համար, և ես վստահ եմ, որ ռեժիմը դա կհասկանա։ Սակայն ես չեմ կարծում, որ դա կբերի այն արդյունքին, որին սպասում է Իսրայելը։ Բոլորը գիտեն, որ Իսրայելը, մասնավորապես Նեթանյահուն, ցանկանում է տապալել Իրանի ռեժիմը։ Դա գաղտնիք չէ»,- ասել է Ֆիդանը:
Նա հավելել է, որ երբ Իրանը գնում է բանակցությունների, վերջինիս առաջադրվում են պայմաններ, որոնք նա չի կարող ընդունել:
