Հալեպում Սիրիայի դեմոկրատական ուժերի դեմ գործողությունն ամբողջությամբ իրականացնում է սիրիական բանակը. Թուրքիայի ՊՆ

Հալեպում Սիրիայի դեմոկրատական ուժերի դեմ գործողությունն ամբողջությամբ իրականացնում է սիրիական բանակը՝ հայտարարել են Թուրքիայի պաշտպանության նախարարությունից:

Նախարարության ներկայացուցիչ Զեքի Աքթուրքը հայտարարել է, որ Անկարան աջակցում է Սիրիայի պայքարին ահաբեկչական կազմակերպությունների դեմ՝ երկրի միասնության և տարածքային ամբողջականության հիման վրա: Նրա խոսքով՝ Սիրիայի անվտանգությունը Թուրքիայի անվտանգությունն է, և երկրում ուշադիր հետևում են իրադարձությունների զարգացմանը:

Պաշտոնյան հավելել է, որ Թուրքիան անհրաժեշտ աջակցություն կցուցաբերի, եթե Սիրիայի իշխանությունները դիմեն նման խնդրանքով: