Անվտանգությունը բոլորիս առաջնահերթությունն է․ ՆԳՆ-ն դիմում է քաղաքացիներին
Տոնական եռուզեռն ու բարձր տրամադրությունը պետք է ուղեկցվեն պատասխանատվությամբ ու այն գիտակցմամբ, որ անվտանգությունը բոլորիս առաջնահերթությունն է։ Այս մասին հայտնում են Ներքին գործերի նախարարությունից։
«Ճանապարհին, տանը և հասարակական վայրերում մեր յուրաքանչյուր քայլն ու որոշումը կարող են ազդեցություն ունենալ ոչ միայն մեր, այլև մեզ շրջապատող մարդկանց անվտանգության վրա։
Անվտանգությունը պարզապես բառ չէ, այլ ընտրություն և համալիր գործողություն իմ ու քո ապահովության համար»,-նշվում է հաղորդագրության մեջ։
