Մարզական 5 ֆեդերացիաներն ամփոփել են 2025-ի աշխատանքն ու քննարկել առաջիկա ծրագրերը

Դեկտեմբերի 19-ին Սպորտի կառավարման կենտրոնի տնօրեն Խորեն Զարգարյանը հյուրընկալել է գործընկեր հինգ ֆեդերացիաների՝ Հայաստանի Շախմատի, Ջրացատկի, Թաեքվոնդոյի, Սեղանի Թենիսի և Հրաձգության ֆեդերացիաների ներկայացուցիչներին։ Այս մասին հայտնում է Հայաստանի շախմատի ֆեդերացիան:

Հանդիպման ընթացքում ամփոփվել են 2025 թվականի ընթացքում իրականացված աշխատանքները, քննարկվել համագործակցության շրջանակում ձեռք բերված արդյունքներն ու առաջիկա ծրագրերը։

Ֆեդերացիաների ներկայացուցիչները իրենց հերթին շնորհակալություն են հայտնել և բարձր գնահատել Սպորտի կառավարման կենտրոնի հետ ձևավորված արդյունավետ համագործակցությունը։

Հանդիպման ավարտին Սպորտի կառավարման կենտրոնի կողմից ֆեդերացիաների ներկայացուցիչներին հանձնվել են խորհրդանշական նվերներ։