Ուկրաինայի նախագահ Վոլոդիմիր Զելենսկին այժմ Ֆրանսիայի նախագահ Էմանուել Մակրոնի, Գերմանիայի կանցլեր Ֆրիդրիխ Մերցի և Մեծ Բրիտանիայի վարչապետ Քիր Սթարմերի հետ քննարկում է ԱՄՆ-ի առաջարկված ուկրաինական հակամարտության կարգավորման ծրագիրը: Այդ մասին հայտնել է տեղական Общественное թերթը՝ հղում անելով աղբյուրներին:
Ավելի վաղ Bild պարբերականը հայտնել էր, որ Մերցի կառավարությունը խիստ մտահոգված է ԱՄՆ-ի նոր ծրագրով և արդեն աշխատում է դիվանագիտական հակազդեցությունների ուղղությամբ: Ըստ լրատվականի՝ Գերմանիայի իշխանությունները փորձում են համոզել Կիևին դիմադրել Վաշինգտոնի ճնշմանը: Ավելին, Բեռլինը նախատեսում է ազդել ԱՄՆ վարչակազմի վրա՝ առաջ մղելով ԵՄ դիրքորոշումը Ուկրաինայում հակամարտության կարգավորման հարցում:
Ռուսաստանի նախագահի մամուլի քարտուղար Դմիտրի Պեսկովն ավելի վաղ հայտարարել էր, որ Մոսկվան պաշտոնապես չի ստացել ուկրաինական կարգավորման 28 կետից բաղկացած ԱՄՆ ծրագիրը, որի մասին գրում են ԶԼՄ-ները և Վաշինգտոնն այն մանրամասն չի քննարկել Ռուսաստանի հետ: Իր հերթին, Ռուսաստանի ԱԳՆ խոսնակ Մարիա Զախարովան նշել է, որ Մոսկվան կարձագանքի այդ նախաձեռնությանը, երբ ստանա պաշտոնական տեղեկատվություն:
