Ղազախստանի արտաքին գործերի նախարար Կոշերբաևի հետ
2025թ․ նոյեմբերի 19-ին Ղազախստանում Հայաստանի դեսպան Արմեն Ղևոնդյանին ընդունել է Ղազախստանի Հանրապետության արտաքին գործերի նախարար Երմեկ Կոշերբաևը։ Այս մասին տեղեկացնում են Ղազախստանում ՀՀ դեսպանությունից:
«Հայաստանի և Ղազախստանի բազմաբովանդակ համագործակցության հարցերի լայն շրջանակի դիտարկման ընթացքում հանդիպմանը ընդգծվել է վերջիններիս զարգացման էական ներուժն ու հեռանկարային լինելը։
Առանձնահատուկ ուշադրության կենտրոնում է եղել Հայաստանի Հանրապետության վարչապետ Նիկոլ Փաշինյանի Ղազախստանի Հանրապետություն նախատեսված պաշտոնական այցի նախապատրաստական աշխատանքների ընթացքը, որը միտված է տարբեր ոլորտներում Հայաստանի և Ղազախստանի գործընկերության խորացման մասով երկու երկրների հանձնառությունը վերահաստատելուն։
Նախարար Ե․Կոշերբաևը վստահություն է հայտնել առ այն, որ այցը կարևոր ուղենիշ կդառնա Հայաստան-Ղազախստան միջպետական հարաբերություններում և նոր հնարավորություններ կընձեռի համատեղ փոխշահավետ նախագծերի համար։
Իր հերթին, դեսպան Ա․Ղևոնդյանը ընդգծել է Հայաստանի հետաքրքրվածությունը Ղազախստանի հետ քաղաքական, առևտրատնտեսական, մշակութային-հումանիտար և փոխադարձ հետաքրքրություն ներկայացնող այլ բնագավառներում փոխգործակցության դինամիկայի աճի հարցում։
Հանդիպման արդյունքներով երկուստեք պատրաստակամություն է արտահայտվել կառուցողական փոխգործակցությունը շարունակման շուրջ»,- ասված է հաղորդագրությունում։
