ՀՀ վարչապետի աշխատակազմի ղեկավարի տեղակալ Տարոն Չախոյանը սոցցանցի իր էջում Մեդովկա գյուղի նորակառույց դպրոցի նախկին և ներկա լուսանկարն է հրապարակել և գրել.
«Տգիտություն է մեզ մեղադրելը, թե ինչու ենք հեռավոր գյուղի՝ Մեդովկայի երեխաների համար այս հրաշք դպրոցը կառուցել։
Հեռավոր, թե մոտիկ՝ գյուղի երեխաները ոչնչով պակաս չեն ոչ մեկից ու չպետք է զրկված լինեն բարեկեցիկ միջավայրում կրթություն ստանալու հնարավորությունից։
Երեխեք ջան, դուք արժանի եք լավագույնին։ Սովորեք հնարավորինս լավ, որպեսզի երբեք չնմանվեք ձեզ նոր դպրոց չկամեցողներին։
Ի դեպ, Մեդովկայի նորակառույց դպրոցն ունի ոչ թե 6, այլ 64 սան։ 144 աշակերտի համար նախատեսված դպրոցի շենքում շուտով նաև գործելու է նախակրթարան, հավելյալ երեխաներ կհաճախեն։ Դպրոցն ունի նաև ֆուտբոլի աղջիկների թիմ, ովքեր մասնակցում են մրցումների, տեղեր են զբաղեցնում համայնքային, մարզային փուլերում»։
