«Ռոսնեֆտի» և «Լուկօյլ»-ի դեմ ԱՄՆ պատժամիջոցների սահմանումից հետո չինական պետական ընկերությունները դադարեցրել են ռուսական նավթի գնումներն այդ ընկերություններից՝ հաղորդել է Reuters-ը՝ հղում անելով «բազմաթիվ աղբյուրներին»։
PetroChina-ն, Sinopec-ը, CNOOC-ը և Zhenhua Oil-ը հնարավոր պատժամիջոցների վերաբերյալ մտահոգությունների պատճառով դադարեցրել են ծովային ճանապարհով ռուսական նավթի գործարքները՝ առնվազն կարճաժամկետ հեռանկարում՝ գրել է լրատվականը:
Reuters-ի տվյալներով՝ Ռուսաստանից ծովով օրական ներկրվող մոտ 1,4 միլիոն բարել նավթի մեծ մասը գնում է Չինաստանի ոչ պետական նավթավերամշակման գործարանները, այդ թվում՝ փոքր ընկերությունները:
Թրեյդերները նշել են, որ ԱՄՆ պատժամիջոցներից առաջ էլ «Ռոսնեֆտ»-ը և «Լուկօյլ»-ն իրենց նավթի մեծ մասը Չինաստանին վաճառում էին միջնորդների միջոցով, այլ ոչ թե ուղղակի: Ենթադրվում է, որ չինական պետական ընկերություններից հետո ռուսական նավթի գնումները կդադարեցնեն նաև մասնավոր ընկերությունները։
