Եվրահանձնաժողովը (ԵՀ) պատրաստվում է արգելել Ռուսաստանից ուրանի ներմուծումը: Կազմակերպության ներկայացուցիչ Անա Կաիսա Իտկոնենը հայտարարել է այդ գործընթացի մեկնարկի մասին։
Նրա խոսքով՝ հանձնաժողովը նախատեսում է դադարեցնել ռուսական միջուկային վառելիքի մատակարարումները ԵՄ երկրներ: Ընդ որում՝ դա կլինի ոչ թե սահմանափակումների անհապաղ կիրառում, այլ փուլային դադարեցում:
Իտկոնենը նշել է, որ միջուկային էներգիայի մատակարարման շղթաներն իրենց առանձնահատկություններն ու բարդություններն ունեն, որոնք պետք է քննարկել նախքան առաջարկ ներկայացնելը: Միևնույն ժամանակ նա վստահեցրել է, որ ռուսական ուրանից հրաժարվելու առաջարկ կլինի:
Մինչդեռ ԱՄՆ էներգետիկայի նախարար Քրիս Ռայթն ավելի վաղ հայտարարել էր, որ Միացյալ Նահանգներն առայժմ չի կարող ամբողջությամբ հրաժարվել Ռուսաստանի հարստացված ուրանի մատակարարումներից:
