Երկուշաբթի Իսրայելի պաշտպանության բանակը հայտարարել է, որ վերադառնում է հրադադարի ռեժիմին Գազայի հատվածում, հաղորդում է Jerusalem Post-ը։
Կիրակի ամբողջ օրվա ընթացքում ՑԱՀԱԼ-ը մի շարք զանգվածային հարվածներ է հասցրել Գազայի հատվածին, որոնց հետևանքով, ըստ պաղեստինյան հաղորդագրությունների, զոհվել է մի քանի տասնյակ մարդ։ Զոհվածների թվում է ՀԱՄԱՍ-ի ռազմական թևի մի քանի հրամանատար։
Այդ հարվածները պատասխան էին ՀԱՄԱՍ-ի կողմից Իսրայելի ռազմական դիրքերի վրա հարձակումներին, ինչի հետևանքով երկու զինվոր զոհվել է, երեքը վիրավորվել է, գրում է The Times of Israel-ը։
Իսրայելական լրատվամիջոցները հայտնել են, որ երկրի կառավարությունը կողմ է ՀԱՄԱՍ-ի գործողություններին կոշտ արձագանքելուն, բայց նաև պատրաստ է վերադառնալու հրադադարի պահպանմանը։
