Իսրայելը և ՀԱՄԱՍ-ը աճյունների փոխանակում են իրականացրել: Պաղեստինյան շարժումն Իսրայելին է վերադարձրել ևս 2 պատանդի աճյուն՝ դրա դիմաց ստանալով 45 պաղեստինցու աճյուն: Ընդհանուր առմամբ, ՀԱՄԱՍ-ն Իսրայելին է վերադարձրել 10 մարմին՝ նշելով, որ մնացածին վերադարձնելու համար հարկավոր են մեծ ջանքեր և հատուկ տեխնիկա:
Մինչ այս ՀԱՄԱՍ-ը վերադարձրել էր ողջ մնացած բոլոր 20 պատանդներին, իսկ Իսրայելն ազատ էր արձակել էր մոտ 2000 պաղեստինցի բանտարկյալի:
Միևնույն ժամանակ, հրադադարի հաստատումից հետո վերսկսվել է պաղեստինյան անկլավ հումանիտար օգնության մատակարարումը:
Ինչ վերաբերում է ՀԱՄԱՍ-ի զինաթափմանը, Դոնալդ Թրամփը հայտարարել է, որ այդ գործում ամերիկացի զինվորականների անհրաժեշտությունը չի լինի, սակայն Վաշինգտոնը կօգնի Իսրայելին նման ջանքերում: Թրամփի խոսքով՝ ԱՄՆ-ը ցանկանում է, որ ՀԱՄԱՍ-ը վայր դնի զենքերը՝ որպես հրադադարի համաձայնագրի մի մաս:
