Ավարտին է մոտենում շախմատի աշխարհի 14-18 տարեկան պատանիների և աղջիկների առաջնությունը. ինչ արդյունքներ ունեն հայ պատվիրակները
Շախմատի աշխարհի 14-18 տարեկան պատանիների և աղջիկների առաջնության ավարտին մնացել է մեկ խաղափուլ: Այս մասին հայտնել է Հայաստանի շախմատի ֆեդերացիան:
Մինչև 14 տարեկան պատանիների խմբում Մանվել Առաքելյանը ունի 7.5 միավոր և գտնվում է 3-րդ հորիզոնականում: Տիգրան Համբարձումյանը ունի 6.5 միավոր և գտնվում է 21-րդ հորիզոնականում:
Մինչև 18 տարեկան աղջիկների խմբում Նվարդ Հայրապետյանը ունի 7 միավոր և գտնվում է 7-րդ հորիզոնականում:
Մինչև 18 տարեկան պատանիների խմբում Ռուդոլֆ Փաշիկյանը ունի 6.5 միավոր և գտնվում է 17-րդ հորիզոնականում: Վահե Սուքիասյանը և Ռոբերտ Փիլիպոսյանը ունեն 6 միավոր և համապատասխանաբար գտնվում են 20-րդ և 25-րդ հորիզոնականներում։
Մինչև 16 տարեկան աղջիկների խմբում Անահիտ Մկրտչյանը և Անի Ավետիսյանը ունեն 6 միավոր և համապատասխանաբար գտնվում են 21-րդ և 26-րդ հորիզոնականներում։
Վերջին խաղափուլը կմեկնարկի հոկտեմբերի 15-ին՝ Հայաստանի ժամանակով 15:30-ին:
