Երևանի քաղաքապետ Տիգրան Ավինյանն այցելել է Նուբարաշենի աղբավայր։ Քաղաքապետը ներկայացրել է աղբավայրում տիրող իրավիճակը՝ նշելով, որ լեզվակների մարման աշխատանքները շարունակվում են։
«Օդի որակն այս պահին քաղաքում բարելավվել է, բայց քամիների փոփոխությամբ պայմանավորված՝ դա կարող է տարբեր ժամերին տարբեր պատկեր մեզ տալ»,- ասել է Ավինյանը։
Իրական ժամանակում օդի որակի վերաբերյալ տեղեկություններ կարող եք ստանալ yerevan.am կայքից, որտեղ արտացոլված են քաղաքի շինհրապարակներում տեղադրված՝ օդի որակի չափման սարքերի տվյալները։
Երևանի քաղաքապետ Տիգրան Ավինյանը տեղեկացրել էր, որ այս դեպքը պատահական չէր, այլ դիտավորություն էր: Ավինյանը նշել էր, որ խոսել է ԱԱԾ տնօրենի և ՆԳ նախարարի հետ:
Տիգրան Ավինյանի որոշմամբ «Երևանի քաղաքային նոր աղբավայր» ընկերության տնօրենի պաշտոնակատար Վահե Վարդապետյանն ազատվել է աշխատանքից։
