Երկուշաբթի Քուվեյթում կայացած հանդիպումից հետո, Պարսից ծոցի համագործակցության խորհրդի երկրների և ԵՄ-ի արտաքին գործերի նախարարները կոչ են արել Իրանին «թուլացնել լարվածությունը տարածաշրջանում, ապահովել իր միջուկային ծրագրի խաղաղ բնույթը և դադարեցնել բալիստիկ հրթիռների, անօդաչու թռչող սարքերի և տարածաշրջանում ու աշխարհում անվտանգությանն ու խաղաղությանը սպառնացող ցանկացած տեխնոլոգիայի տարածումը»։
Մի շարք եվրոպական երկրների դիվանագիտական առաքելությունների ղեկավարներ կանչվել են Իրանի արտաքին գործերի նախարարություն՝ Թեհրանի միջուկային և հրթիռային ծրագրերի նկատմամբ «ԵՄ միջամտողական դիրքորոշման դեմ բողոքելու համար»,- հայտարարել է Իրանի արտաքին գործերի փոխնախարար Մաջիդ Թախթ-Ռավանչին։
Իրանցի դիվանագետը հրթիռային ծրագրի վերաբերյալ մեկնաբանություններն անվանել է «երկրի ներքին գործերին բացահայտ միջամտություն» և անընդունելի համարել դրա վերաբերյալ «կեղծ և չափազանցված» պնդումները։
Նա ընդգծել է, որ Իրանի ազգային պաշտպանական ներուժը, ներառյալ հրթիռայինը, երկրի ինքնապաշտպանության անքակտելի իրավունքի մի մասն է և երաշխավորում է տարածաշրջանային կայունությունն ու անվտանգությունը:
