Ռուսաստանը և Ուկրաինան կրկին հայտնել են փոխադարձ հարվածների մասին։ Ուկրաինական անօդաչուները հարվածել են Սարատովում և Էնգելսում գտնվող մի շարք օբյեկտների։ Վոլգոգրադի, Սարատովի և Աստրախանի օդանավակայանները ժամանակավորապես փակվել են։
Իսկ ռուսական հարվածների պատճառով Օդեսայում դադարեցվել են էլեկտրամատակարարումը և ջրամատակարարումը, մեծ հրդեհ է բռնկվել։ Ռուսական հարվածների հետևանքով ավելի վաղ Չեռնոբիլի ատոմայականում արտակարգ դրություն էր ստեղծվել, դադարեցվել էր էլեկտրամատակարարումը։
Միևնույն ժամանակ, The Wall Street Journal-ը հայտնել է, որ ԱՄՆ նախագահը թույլատրել է Ուկրաինային հետախուզական տվյալներ տրամադրել Ռուսաստանի տարածքի խորքում գտնվող էներգետիկ օբյեկտներին հրթիռային հարվածներ հասցնելու համար։ Ընդ որում, ըստ պարբերականի, Վաշինգտոնը ՆԱՏՕ-ի այլ երկրներին խնդրել է անել նույնը։
