Միրզոյանը և Սիբիհան քննարկել են Հայաստանի և Ուկրաինայի միջև համագործակցության զարգացման հնարավորությունները
ՀՀ ԱԳ նախարար Արարատ Միրզոյանը հանդիպում է ունեցել Ուկրաինայի ԱԳ նախարար Անդրիյ Սիբիհայի հետ։ Այս մասին տեղեկացնում են ՀՀ ԱԳՆ-ից:
Արարատ Միրզոյանը և Անդրիյ Սիբիհան քննարկել են Հայաստանի և Ուկրաինայի միջև համագործակցության զարգացման և երկկողմ օրակարգի ընդլայնման հնարավորությունները։
Նախարար Միրզոյանը ներկայացրել է Հարավային Կովկասում վերջին զարգացումները, մասնավորապես օգոստոսի 8-ին Վաշինգտոնում ձեռք բերված համաձայնությունները։ Ընդգծվել է Ուկրաինայում խաղաղության հաստատման կարևորությունը։ Մտքեր են փոխանակվել առկա իրավիճակի շուրջ։
