Քիշնևի կենտրոնում ընդդիմության հանրահավաքի ժամանակ «Հայրենասիրական դաշինքի» առաջնորդները հայտարարել են, որ չեն ճանաչում ընտրությունը կամ դրանց արդյունքները և այժմ սպասում են Սահմանադրական դատարանի վերջնական որոշմանը, որը կհաստատի ընտրության արդյունքները։
«Մենք կոչ ենք անում քաղաքացիներին պահպանել հանգստություն և գործել օրենքի շրջանակներում։ Խուսափեք սադրանքներից և հրահրողներից»,- մասնակիցներին դիմել է Մոլդովայի սոցիալիստների կուսակցության առաջնորդ Իգոր Դոդոնը։
Նրա խոսքով՝ ընտրական շտաբներում այժմ համակարգում են բոլոր ընտրատեղամասերից խախտումների մասին տեղեկությունները։ «Դրանք ստանալուց հետո կուղարկենք Կենտրոնական ընտրական հանձնաժողով։ Եթե այնտեղ մերժեն, կդիմենք դատարան: Քանի դեռ բոլոր բողոքները չեն քննվել, մենք ոչ մի ընտրություն չենք ճանաչում»,- ասել է ռուսամետ դաշինքի ղեկավարը։
Այդ հայտարարություններից հետո հանրահավաքն ավարտվել է:
