Վլադիմիր Պուտինի հետ 5 ժամ տևած բանակցություններից հետո Ալեքսանդր Լուկաշենկոն Վոլոդիմիր Զելենսկուն կոչ է արել իր ձևակերպմամբ՝ հանգստանալ և չսպառնալ Մոսկվային ու Կրեմլին հարվածներով:
«Պուտինը շատ լավ առաջարկ ունի Ուկրաինայի համար, որն արդեն փոխանցել է Դոնալդ Թրամփին Ալյասկայում։ Ամերիկացիները դրական են արձագանքել», - հայտարարել է Լուկաշենկոն:
Նա Կիևին հորդորել է ընդունել Ռուսաստանի առաջարկը, այլապես, իբր, կկորցնեն ամբողջ Ուկրաինան:
Բելառուսի նախագահը հավելել է, որ կցանկանար զրուցել Վոլոդիմիր Զելենսկու հետ, քանի որ «ասելիք ունի»։ Նրա խոսքով՝ եկել է խորհրդակցությունների ժամանակը։
