Պաղեստինի վարչակազմի ղեկավար Մահմուդ Աբբասը հայտարարել է, որ ՀԱՄԱՍ շարժմանը ոչ մի պարագայում մոտ չեն թողնի պաղեստինյան պետության կառավարմանը:
«ՀԱՄԱՍ-ը և մյուս խմբավորումները պետք է իրենց զենքերը հանձնեն Պաղեստինի ազգային վարչակազմին՝ միասնական պետություն, միասնական օրենսդրություն և միայն անվտանգության պետական ուժեր ստեղծելու գործընթացի շրջանակներում»,- վստահեցրել է Աբբասը ՄԱԿ-ի Գլխավոր ասամբլեային ուղղված տեսաուղերձում:
Նրա պնդմամբ՝ Գազայի հատվածը պաղեստինյան պետության մաս է կազմում։
«Մենք պատրաստ ենք լիարժեք պատասխանատվություն կրել շրջանի կառավարման և անվտանգության ապահովման համար»,- հավելել է Աբբասը:
