ԱՄՆ նախագահ Դոնալդ Թրամփը քննադատել է Հնդկաստանին, Չինաստանին և ՆԱՏՕ-ի մի քանի երկրների՝ ռուսական նավթ և այլ էներգետիկ արտադրանք գնելու համար՝ դա անվանելով աններելի։
«Չինաստանը և Հնդկաստանը շարունակվող պատերազմի հիմնական հովանավորներն են, քանի որ նրանք շարունակում են ռուսական նավթ գնել։ Բայց աններելի է այն, որ նույնիսկ ՆԱՏՕ-ի որոշ երկրներ լիովին չեն հրաժարվել ռուսական էներգետիկ ռեսուրսներից»,- ասել է նա երեքշաբթի ՄԱԿ-ի Գլխավոր ասամբլեայում ունեցած իր ելույթի ժամանակ։
Ըստ ԱՄՆ նախագահի՝ ՆԱՏՕ-ի այդ երկրները «հովանավորում են իրենց դեմ պատերազմը»։
