ՀՀ ԿԳՄՍ նախարարության աջակցությամբ «Արվեստա» կազմակերպությունը սեպտեմբերի 22-29-ը Հայաստանում կանցկացնի «Հայաստանի գույներ» ջրաներկի միջազգային երկրորդ փառատոնը: Այս մասին տեղեկացնում են ԿԳՄՍՆ-ից:
Փառատոնի շրջանակում ջրաներկի՝ համաշխարհային հեղինակություն վայելող 12 վարպետներ՝ աշխարհում արվեստի այս ուղղության առաջատարներ, իրենց բազմաթիվ հետևորդների հետ կժամանեն Հայաստան։
Փառատոնի հիմնական միջոցառումները կանցկացվեն սեպտեմբերի 27-ին և 28-ին Գյումրի քաղաքում: Վարպետները կանցկացնեն անվճար վարպետության, դեմո-դասընթացներ, պլեներներ (բացօթյա նկարչություն), մրցույթներ, կունենան անհատական հանդիպում-քննարկումներ։
Փառատոնի օրակարգում ներառված են վարպետության դասեր, պլեներային նկարչություն, ցուցադրական դասընթացներ, հանդիպում-քննարկումներ, էքսկուրսիաներ և շրջայցեր, ցուցահանդես, համերգային ծրագիր և այլ միջոցառումներ:
Մուտքն ազատ է:
