Պետությունը շարունակում է աջակցել 2020 թվականից հետո պարտադիր ժամկետային զինվորական ծառայությունից զորացրված գործազուրկ քաղաքացիներին մասնագիտական ուսուցում անցնելու և աշխատանք ձեռք բերելու հարցում․ ծրագրից կարող են օգտվել նաև 2016, 2020 և 2022 թթ․ ռազմական գործողություններին մասնակցած անձինք։ Այս մասին տեղեկացնում են ԱՍՀ նախարարությունից:
Միջոցառման շրջանակում շահառուն հնարավորություն ունի ընտրել երեք բաղադրիչներից որևէ մեկը՝
- ստանալ մասնագիտական ուսուցում և ունենալ աշխատանք,
- ձեռք բերել աշխատանքային փորձ և անցնել աշխատանքի,
- ձեռք բերել աշխատանք՝ գործատուին միանվագ փոխհատուցում տրամադրելու միջոցով։
Ծրագրից օգտվելու համար քաղաքացիները նախ պետք է հաշվառվեն՝ դիմելով Միասնական սոցիալական ծառայության տարածքային կենտրոն։
Ավելին՝ այստեղ:
