Մաղթում եմ Ձեզ հաջողություններ այս նոր փուլում. Արարատ Միրզոյանը շնորհավորել է Դեյվիդ Լամմիին
ՀՀ ԱԳ նախարար Արարատ Միրզոյանը շնորհավորել է Դեյվիդ Լամմիին՝ Մեծ Բրիտանիայի փոխվարչապետ և արդարադատության նախարար նշանակվելու կապակցությամբ:
«Շնորհակալություն, Դեյվիդ Լամմի, Մեծ Բրիտանիայի արտաքին գործերի նախարարի պաշտոնում Ձեր նվիրվածության և գործընկերության համար:
Ինձ համար պատիվ էր միասին աշխատել հայ-բրիտանական հարաբերությունների ամրապնդման ուղղությամբ։
Շնորհավորում եմ փոխվարչապետ և արդարադատության նախարար նշանակվելու կապակցությամբ: Մաղթում եմ Ձեզ հաջողություններ այս նոր փուլում»,- X-ի իր միկրոբլոգում գրել է Արարատ Միրզոյանը:
