Թեհրանում ՀՀ ԱԽ քարտուղար Արմեն Գրիգորյանը հանդիպել է ԻԻՀ Զինված ուժերի գլխավոր շտաբի պետ գեներալ-մայոր Սեյեդ Աբդոլրահիմ Մուսավիի հետ: Այդ մասին հայտնում են ԱԽ-ից։
Սեյեդ Աբդոլրահիմ Մուսավին ընդգծել է, որ պատմականորեն Հայաստան-Իրան հարաբերությունները բարիդրացիական ու եղբայրական են: ԱԽ քարտուղարն իր հերթին ընդգծել է ներկա հարաբերությունների բարձր մակարդակը:
Արմեն Գրիգորյանը ներկայացրել է օգոստոսի 8-ին ձեռք բերված պայմանավորվածությունները, ինչի շրջանակում Մուսավին ողջունել է տարածաշրջանում հաստատվելիք խաղաղությունն ու կայունությունը:
Հանդիպմանը նաև անդրադարձ է կատարվել երկկողմ համագործակցությանը:
