Եվրամիությանն անդամակցությունը Սերբիայի արտաքին քաղաքականության հիմնական նպատակն է՝ հայտարարել է Հանրապետության նախագահը: Ալեքսանդր Վուչիչն ընդգծել է՝ կհետևեն եվրոպական ինտեգրման կուրսին և կշարունակեն անհրաժեշտ բարեփոխումների կյանքի կոչումը։
Նախագահի խոսքով՝ դա կնպաստի ոչ միայն երկրի տնտեսական աճին, այլև երկարաժամկետ կայունություն, անվտանգություն և պաշտպանություն կապահովի։
Խոսելով Ռուսաստանի նախագահի հետ իր հարաբերությունների մասին՝ Վուչիչը դրանք որակել է ջերմ: Սերբիայի նախագահը կարծիք է հայտնել, որ Վլադիմիր Պուտինը պատրաստ է հասնել Ուկրաինայի հետ խաղաղության: Նրա խոսքով՝ ուրախ կլիներ Բելգրադում հյուրընկալել Պուտին-Զելենսկի հնարավոր հանդիպումը:
