Ավստրալիայում Իրանի դեսպանն «անցանկալի անձ» է ճանաչվել, դիվանագիտական առաքելության ղեկավարին և ևս երեք իրանցի դիվանագետի արտաքսելու մասին որոշում է կայացվել: Ավստրալիայի ԱԳՆ-ից հայտնել են, որ իրանցի դիվանագետները պետք է երկիրը լքեն 7 օրվա ընթացքում:
Ավստրալիայի վարչապետ Էնթոնի Ալբանեզեի խոսքով՝ Ավստրալիայի ազգային անվտանգության գործակալությունը հավաստի հետախուզական տվյալներ է ստացել նախորդ տարի Մելբուռնում սինագոգի և Սիդնեյում ռեստորանի վրա հարձակումներին իրանական իշխանությունների մասնակցության մասին:
Բացի այդ, Թեհրանում Ավստրալիայի դեսպանության գործողությունն ամբողջությամբ դադարեցվել է, իսկ ավստրալացի դիվանագետներն արդեն վերադարձել են հայրենիք:
Իրանն էլ խոստացել է պատասխան քայլեր ձեռնարկել Ավստրալիայի որոշումից հետո: Իրանի ԱԳՆ պաշտոնական ներկայացուցիչ Էսմայիլ Բաղաեին նշել է, որ առաջադրված մեղադրանքները միանգամայն անհիմն են։
