Սիրիան և Իսրայելը երեքշաբթի անցկացրել են իրենց առաջին ուղիղ բանակցությունները, արտաքին գործերի նախարար Ասադ ալ Շիբանին հանդիպել է իսրայելական պատվիրակության հետ՝ ԱՄՆ-ի միջնորդությամբ քննարկումների շրջանակներում: Դրանք ուղղված են Բաշար Ասադի ռեժիմի տապալումից հետո տարածաշրջանում լարվածության նվազեցմանը:
Սիրիայի պետական լրատվական SANA գործակալության տվյալներով՝ երկու կողմերը խոսել են 1974 թվականի հրադադարի վերաբերյալ համաձայնագրի վերականգնման մասին, որով բուֆերային գոտի է ստեղծել Սիրիայի և Իսրայելի միջև։
Վաշինգտոնը ձգտում է կարգավորել երկու երկրի միջև հարաբերությունները վերջին շրջանում լարվածության աճի ֆոնին՝ համապատասխան ԱՄՆ նախագահ Դոնալդ Թրամփի «բարգավաճ Մերձավոր Արևելք» տեսլականին: Այն ենթադրում է նաև «կայուն Սիրիա, որը խաղաղ է ապրում իր և իր հարևանների, այդ թվում՝ Իսրայելի հետ»,- AP-ին ասել է ամերիկացի պաշտոնյան։
