Ղազախստանի նախագահ Կասիմ-Ժոմարտ Տոկաևը պատմական է համարում Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի հանդիպումը՝ հայտնել է Տոկաևի մամուլի քարտուղար Ռուսլան Ժելդիբայը։
«Պետության ղեկավար Կասիմ-Ժոմարտ Տոկաևը կարծում է, որ իր նշանակությամբ պատմական այս գագաթնաժողովը հնարավոր է դարձել երկու երկրի առաջնորդների քաղաքական կամքի, արդի առանցքային խնդիրների լուծման, այդ թվում՝ Ուկրաինայում ռազմական գործողությունները դադարեցնելու ընդհանուր մոտեցումներ գտնելու նրանց անկեղծ ցանկության շնորհիվ», - նշել է Ժելդիբայը:
Նրա խոսքով՝ Աստանան ողջունում է Պուտինի և Թրամփի հանդիպումը՝ որպես Ուկրաինայի հարցով ամենաբարձր մակարդակով բանակցային գործընթացի սկիզբ:
